36

[previous] [next] [index]

annales Volusi. cacata carta.
uotum soluite pro mea puella.
nam sanctae Veneri Cupidinique
uouit si sibi restitutus essem
desissemque truces uibrare iambos 5
electissima pessimi poetae
scripta tardipedi deo daturam
infelicibus ustulanda lignis.
et haec pessima se puella uidit
iocose lepide uouere diuis. 10
nunc o caeruleo creata ponto.
quae sanctum Idalium chutrosque apertos.
quaeque Ancona Cnidumque harundinosam.
colis quaeque Amathunta. quaeque Golgos.
quaeque Durrachium Hadriae tabernam. 15
acceptum face redditumque uotum
si non inlepidum neque inuenustum est.
at uos interea uenite in ignem.
pleni ruris et infacetiarum.
annales Volusi. cacata carta. 20

[previous] [next] [index]

last modified on 5/5/95.
The Obscure Organization supports experimentation in the arts and technology.

If you have questions or comments, please contact:

Richard Bullington-McGuire <rbulling@obscure.org>